På årsmøtet til Aurland idrettslag tysdag, fekk Robin Patanakarun og Kristiane Sekkingstad Terum utdelt Flåm Utvikling sitt prestasjonsstipend for 2013. Robin fekk stipendet for god sportsleg utvikling og talentfullt spel på fotballbana. Han var i 2013 med på eit sonelaga, og er no plukka ut til kretssamlingar. Kristiane har i 2013 markert seg som den beste løparen i landet i sin klasse, og toppa norgesstatistikken på fem distansar utandørs og tre distansar innandørs.. Ho sette også krinsaldersrekord på 600 m med den svært sterke tida 1.38.34, og fekk ein flott 3. plass på 600 m i Verdensungdomsspelen i Gøteborg.