Kristiane Sekkingstad Terum (J-14) og Jennifer Mjøs (J-13) sesongdebuterte på friidrettsbana i helga, og gjennomførte eit flott 3-dagarsstemne på Fana stadion. Tidvis motvind gjorde at forholda ikkje var heilt optimale, men Kristiane sette likevel to personlege rekordar på løpsdistansar og Jennifer persa i liten ball. Jennifer tok seks medaljar, og vann 60 m med 8.39, 80 m med 10.94, 100 m med 13.59, liten ball med 46,33 m (pers), lengde med 4,70 m og fekk dessutan andreplass i kule. Kristiane vann dei fire løpa ho var med i, og sette utandørspersar på 60 m med 8.34 og på 80 m med 10.89. Tidene på 100 m og 200 m blei 13.49 og 27.33. Også Christina Mjøs deltok på stemnet, og gjorde kjempeflott innsats i lengde, liten ball og på 60 m.
