Torstein Tokvam (G-12) deltok i helga på sitt første skikkelege friidrettsstemne, då han var med på KM i Byrkjelo som hadde innlagt krinsleikar for aldersgruppa 10-12 år. Torstein gjorde kjempeflott innsats, og persa med heile 12 sekundar då han sprang 600 m på tida 1.58.11. Han deltok også i lengde og på 60 meter, og fekk saman med resten av deltakarane i denne aldersgruppa deltakarpremie. Jennifer Mjøs (J-13) og Kristiane Sekkingstad Terum (J-14) var òg med i KM. Dei fekk til saman åtte gull og ein sølvmedalje. Best nøgd var Kristiane, som persa i høgde med resultatet 1,43 m.
