Sesongen 2015 er godt i gong, og laga frå Aurland gjer det ganske bra. Smågutane (G13/14) ligg på andre plass på tabellen med kun eitt tap. (Sjå under).
Gutelaget som i år spelar 11-er fotball ligg også på andre plass på tabellen med to uavgjorte og ein siger. Det er mykje fin fotball å sjå hjå desse gutane. Oppmodar difor folk om å møta opp på stadion når det er kamp. Det er alltid kiosksal på stadion når det er kamp, så ta med godt humør og møt opp!
Småjentelaget (J13/14) har også starta sesongen bra, med to sigrar så langt. Jentelaget (J15/16) har som venta fått ein litt tøffare start, med to tap. Elles er miniputtane i full gong med sesongen og har allereie vore på si første turnering i år.