Ca 80 personar deltok i konkurranseklassen, kring 120 var med i turklassen og eliteløparen Torbjørn T. Ludvigsen sette løyperekord i herreklassen med tida 24.43. Alt gjekk på «skinner», vèret slo til og både turgåarar og løparar fekk flotte forhold opp den brattte løypa til Rimstigen, 725 moh. I dameklassen blei det ikkje uventa siger til Eli Anne Dvergsdal, Gular. Ho vart tidlegare i sommar nr. 2 i EM i motbakkeløp, og vann dameklassen på 31.04. På andreplass kom Therese Sjursen med 32.35 og på 3.plass Anita I.Lilleskare med 32.51. I herreklassen blei OL-medaljør Kristen Skjeldal nr. 2 med tida 27.23 og Jakub Hejl nr. 3 med 28.16. Også fleire aurlendingar gjorde flott innsats. Både Olav Terum, Sjur Ness, Sindre O. Haugen, Anders Veum, Jannicke Hoel og Terje Terum er å finna på resultatlista. Les også oppslag i Sogn Avis.
