Aurland IL stilte med fem utøvarar i innandørsstemnet Nornalekene i dag, og det blei heile fem pallplassar til aurlendingane. Torstein Veum og Vegard Ebne var med på sitt første friidrettsstemne nokon gong, og gjorde kjempeflott innsats i 13-årskassen. Torstein tok ein overraskande 3. plass på 600 meter med flotte 1.47.04, og Vegard imponerte med tida 31.82 på 200 meter etter å ha sprunge 600 meter nokre timar før. Christina Mjøs var beste jente i J-10 på 200 m og kom inn som nummer to på 600 meter. Også Jennifer Mjøs og Kristiane Sekkingstad Terum var i elden. Jennifer fekk flott personleg rekord og 3.plass på 200 meter med tida 26.66, og Kristiane vann 200-meteren i J-16 med 27.55. 
