Jennifer Mjøs viste storform i lengdegropa søndag, og slo til med årsbeste i landet med resultatet 5,32 m. Heile tre gonger slo Jennifer den gamle persen sin, og siglar opp som ein av storfavorittane til ungdoms-NM (UM) i Steinkjer om to veker. På 60 meter dagen før gjekk det ikkje like bra, då det blei tjuvstart.
Også Kristiane Sekkingstad Terum klatre til topps på pallen, og vann 600 m i J-16. I tillegg hadde ho beste tid på 200 m, men trakka på streken i siste sving og blei diskvalifisert. Reportasje på kondis.no frå 600m ligg her.
Torstein Veum deltok på 600 m søndag, og gjorde nok eit godt løp. Denne dagen blei det 4. plass på Torstein, i det som utvikla seg til ein svært spennande duell. Berre eit halvt sekund skilde frå sølvplass.
