Kristiane Sekkingstad Terum, Jennifer Mjøs og Christina Mjøs deltok i helga på årets første utandørsstemne i friidrett. Formen til dei to eldste er ikkje heilt på plass, men Kristiane var likevel godt nøgd med 60 m og 100 m der ho nesten er på nivå med personlege rekordar. På begge løp blei det 2. plass, noko ho og fekk på 200 m. Jennifer fekk andreplass i lengde og på 80 m, samt ein 3. plass på 60 m. Resultata var noko bak pers, og forkjølinga i veka som var må nok ta noko av skulda for dette. Christina sprang ein flott 200 m, og var best i J-10 på denne distansen. 
