Kristiane Sekkingstad Terum (16) tok turen til Lillehammer og Veidekkelekene i helga, og angra ikkje på det. Laurdag blei det ein sterk andreplass på 400 m med tida 60.04, berre fire tidelar bak pers. Løpet blei svært spennande, og då løparane i det beste heatet kom ut på oppløpssida var det tre jenter som kjempa om sølvmedaljen. Kristiane avslutta sterkast, og var godt nøgd med løpet etter ei veke med forkjøling. 
