Kristiane Sekkingstad Terum sprang ein god 400 meter under Jr-NM (U-20) på Brandbu laurdag og blei nummer to i sitt forsøksheat med tida 59.49. Innleiande runde hadde fem heat, der vinnarane i kvart heat pluss den 6. beste tida gjekk til finalen. Kristiane vart totalt nummer åtte, og mangla berre 59/100 på finaleplass. Ho var likevel svært godt nøgd med innsatsen, og sprang sin nest beste 400 meter nokon gong. U20-klassen er for aldersgruppa 15-19 år, og det vil difor by seg fleire sjansar i slike meisterskap.
