Opp- og nedtur i UM

Jennifer Mjøs (15) og Kristiane Sekkingstad Terum (16) deltok i helga på ungdoms-NM (UM) i Sandnes. Det vart ei hendingsrik helg med dramatikk på løpebana, sosialt samver med gode friidrettsvener og bankett med Team Ingebrigtsen laurdag kveld. Jennifer persa på 100 m med tida 12.72 og vart nr. 5 i finalen. Det var ho nøgd med. Meir bittert var det å detta kontant på magen 4-5 meter frå målstreken etter å ha leia 200-meteren frå start til «mål». Stive bein og tyngdepunktet for langt fram er nok ein vesentleg del av forklaringa. Uansett, medaljen glapp, men Jennifer tok det heile med fatning. Kristiane hadde som mål å nå finalane på 100 m og 200 m. Det klarte ho med glans. På 100 m blei det 8.plass og tangering av persen på 13.03. På den doble distansen blei det 6. plass med tida 26.95. Sogn Avis sin reportasje ligg her.