Jennifer Mjøs (16) deltok i helga på ungdoms-NM (UM) i friidrett innandørs i Bærum. Jennifer vann forsøksheatet sitt på 200 m med den flotte tida 26.47, og rekna med at heatsiger var godt nok for ein plass i finalen. Det var det dessverre ikkje, då dei seks beste tidene gjekk vidare. – Bittert, seier Jennifer, – eg slappa av dei siste metrane, og hadde meir inne. Neste gong skal eg sjekka skikkeleg kva som gjeld i kvalifiseringsrunden. I 2016 var UM i Steinkjer og då blei det 3.plass på distansen. Jennifer deltok også på 60 m i Bærum, og kom til semifinalen. Kristiane S. Terum (17) skulle også vore med, men blei sjuk og måtte stå over. 