Hovudstyret prøver noko nytt, og dei har difor lagt årsmøtet til laurdag 10. februar på Flåmsbrygga Hotel. Som tidlegare vert det utdeling av Flåm Utvikling sitt prestasjonsstipend, vanlege årsmøtesaker og kåring av årets medlem, men i tillegg har dei invitert motivator Rasmus Mo frå Sogndal Fotball til å halda foredrag. Han kjem til å ta føre seg temaet «Meg og deg». Det vert også servering av Furukroa sin slidermeny, så det er mykje å gleda seg til. Hovudstyret reknar med at alle leiarar, oppmenn, styremedlemar og trenarar kjem på årsmøtet, og i tillegg er sjølvsagt andre medlemer velkomne. Dette blir kjekt!
